ئورنىڭىز: باش بەت ئۇچۇر-ساۋاتلار
2026 - يىللىق تاۋار ماركىسىنى مەركەزلىك تەشۋىق قىلىش شيۇڭئەندە ئۆتكۈزۈلدى
بېيجىڭ - تيەنجىن - خېبېينىڭ بىلىم مۈلۈك ھوقۇقىنى ماس تەرەققىي قىلدۇرۇشنى ئىلگىرى سۈرۈپ، خېبېي ۋە شيۇڭئەن يېڭى رايونىنىڭ تاۋار ماركىسى، داڭلىق ماركا قۇرۇلۇشى خىزمىتىنى قوللاشنى كۈچەيتىش ئۈچۈن، تاۋار ماركىسى ئىدارىسى 8 - ئاينىڭ 21 - كۈنى خېبېي شيۇڭئەن يېڭى رايونىدا 2026 - يىللىق 2 - بېكەت تاۋار ماركىسىنى مەركەزلىك تەشۋىق قىلىپ، بىرىنچى سەپكە يۈزلىنىپ سىياسەت چۈشەندۈرۈش، ئەمەلىي يېتەكچىلىك قىلىش، ئۆزئارا پىكىر ئالماشتۇرۇشنى قانات يايدۇردى. تاۋار ماركىسى ئىدارىسىنىڭ پارتىيە كومىتېتى شۇجىسى ،ئىدارە باشلىقى لى چاڭ ،خېبېي ئۆلكىلىك بازارنى نازارەت قىلىپ باشقۇرۇش ئىدارىسى ( بىلىم مۈلۈك ھوقۇقى ئىدارىسى ) نىڭ باشلىقى جاڭ شۆجۈن يىغىنغا قاتناشتى ھەمدە سۆز قىلدى.
يولداش لى چاڭ تەبرىك سۆزىدە 14-بەش يىللىق پىلان مەزگىلىدە تاۋار ماركىسىنى تەكشۈرۈپ قاراپ چىقىش خىزمىتىدە قولغا كەلتۈرۈلگەن كۆرۈنەرلىك نەتىجە-ئۈنۈملەرنى قىسقىچە ئەسلەپ ئۆتتى،15-بەش يىللىق پىلان مەزگىلىدە تاۋار ماركىسى ئىدارىسىنىڭ يېڭى قانۇننى يولغا قويۇش، تەكشۈرۈش سۈپىتى ۋە ئۈنۈمىنى ئۆستۈرۈش، ئامما مۇلازىمىتىنى تۆۋەنگە يۈزلەندۈرۈش، رايون تەرەققىيات مۇلازىمىتى قاتارلىق نۇقتىلىق خىزمەتلەرنى پۇختا، ياخشى ئىشلەيدىغانلىقىنى تونۇشتۇردى ھەمدە لېكسىيەنى پۇرسەت دەپ بىلىپ، جەمئىيەتتىكى ئاممىغا تاۋار ماركىسىنى «ئىشلىتىشنى ئاساس قىلىش» ئىدىيەسىنى يەتكۈزدى، تىجارەت سۇبيېكتلىرىنىڭ يامان نىيەتتە رويخەتكە ئالدۇرۇش قىزىل سىزىقىدىن يىراق تۇرۇشى، تاۋار ماركىسىنى قېلىپلاشتۇرۇپ ئىشلىتىشى، چەت ئەلدىكى ئورۇنلاشتۇرۇشقا ئەھمىيەت بېرىشىنى تەشەببۇس قىلىش كېرەك.
لېكسىيەدە «بىلىم مۈلۈك ھوقۇقىنى قوغداش ۋە ئۇنىڭدىن پايدىلىنىشنىڭ < 15 - بەش يىللىق > پىلانى» دىكى ئورۇنلاشتۇرۇش ۋە تاۋار ماركىسى خىزمىتىنىڭ ئەڭ يېڭى تەرەققىياتى مەركەزلەشتۈرۈلۈپ، شۇ جاينىڭ نۇقتىلىق ئېھتىياجىغا بىرلەشتۈرۈپ، تاۋار ماركىسى ئىدارىسىنىڭ كەسپىي تايانچلىرى كۆڭۈل قويۇپ يەتتە سائەت دەرس ئۆتتى. بىرىنچى، تاۋار ماركىسى قانۇنىغا تۈزىتىش كىرگۈزۈش قىزىق نۇقتىسىنى چۆرىدەپ، تاۋار ماركىسى قانۇنىغا 5 - قېتىم تۈزىتىش كىرگۈزۈش ئەھۋالى سىستېمىلىق تونۇشتۇرۇلدى، بۇ يېڭى قانۇننىڭ تاۋار ماركىسى ئاساسىي تۈزۈمىنى مۇكەممەل لەشتۈرۈش، تاۋار ماركىسىنى رويخەتكە ئالدۇرۇش شەرتىنى ئايدىڭلاشتۇرۇش، تاۋار ماركىسىغا ھوقۇق بېرىش، ھوقۇق تەۋەلىكىنى بېكىتىش تەرتىپىنى ئەلالاشتۇرۇش، تاۋار ماركىسىنى باشقۇرۇشنى كۈچەيتىش، تاۋار ماركىسىدىن مەخسۇس پايدىلىنىش ھوقۇقىنى قوغداشنى كۈچەيتىش قاتارلىق جەھەتلەردىكى تۈزىتىش كىرگۈزۈلگەن مەزمۇنلىرىنى ئۆز ئىچىگە ئالىدۇ، ئاممىنىڭ يېڭى قانۇننىڭ روھىنى توغرا ئىگىلىشىگە ياردەم بېرىدۇ؛ ئىككىنچى، ئامما كۆڭۈل بۆلىدىغان «ھېيلىگەر تاۋار ماركىسى» مەسىلىسىگە قارىتا، «ھېيلىگەر تاۋار ماركىسى» نىڭ ئىستېمالچىلارنى ئازدۇرۇشتىكى يوشۇرۇن ۋاسىتىسى ۋە ئالدامچىلىق خاراكتېرىدىكى ئىپادىلىنىش شەكلىنى ئانالىز قىلىپ، ئالدامچىلىق خاراكتېرىگە ئىگە تاۋار ماركىسىنى تەكشۈرۈپ قاراپ چىقىش ئۆلچىمىنى چۈشەندۈرۈپ، تاۋار ماركىسى ئىدارىسىنىڭ تاۋار ماركىسىدىن پايدىلىنىپ ئاممىنى ئالداش، ئازدۇرۇش قىلمىشىنى قاتتىق قېلىپلاشتۇرۇش خىزمەت تەدبىرىنى تونۇشتۇرۇش؛ ئۈچىنچى، بېيجىڭ ـ تيەنجىن ـ خېبېي رايونىدىكى كەسىپلەرنىڭ «يېڭىلىققا»، «سىرتقا» تەرەققىيات ئېھتىياجىغا ئاۋاز قوشۇپ، ئايرىم ـ ئايرىم ھالدا يېڭى كەسىپ، يېڭى كەسىپ ھالىتىدىكى تاۋار مۇلازىمىتىنى تۈرگە ئايرىش، «تاۋار ماركىسىنى رويخەتكە ئالدۇرۇش ئىلتىماسىنى تېز تەكشۈرۈش چارىسى»، مادرىد تاۋار ماركىسىنى خەلقارا رويخەتكە ئالدۇرۇش سىستېمىسىنى چۈشەندۈرۈپ ۋە تونۇشتۇرۇپ، كارخانىلارنىڭ تاۋار ماركىسى كەسپىنى تېخىمۇ ياخشى بېجىرىشىگە يېتەكچىلىك قىلىپ، چەت ئەلگە تېز ئورۇنلاشتۇرۇش؛ تۆتىنچى، رەقەملىك ئەقلىي ئىقتىدار ياردىمى تاۋار ماركىسى خىزمىتىنىڭ نەتىجىلىرىنى تەشۋىق قىلىپ، تاۋار ماركىسى تور مۇلازىمەت سىستېمىسىنىڭ نۇسخىسىنى ئۆزگەرتكەندىن كېيىنكى ئۆزگىرىشلەرنى تەپسىلىي تونۇشتۇرۇپ، يېڭىدىن كۆپەيگەن تاۋار ماركىسى خەلقئارا باشقىچە پىكرىنى توردا ئىلتىماس قىلىش مەشغۇلات ئەمەلىيىتىنى نۇقتىلىق چۈشەندۈرۈپ، دائىم كۆرۈلىدىغان مەسىلىلەرگە جاۋاب بېرىپ، ئىلتىماس قىلغۇچىنى تاۋار ماركىسى تور مۇلازىمىتىنى قولايلىق ئىشلىتىشكە يېتەكلەش كېرەك.
بۇ قېتىمقى لېكسىيە بېيجىڭ، تيەنجىن، خېبېي رايونىدىكى كارخانىلار، ۋاكالەتچىلىك ئاپپاراتلىرى، بىلىم مۈلۈك ھوقۇقىنى باشقۇرۇش تارماقلىرىنىڭ ۋەكىللىرىدىن بولۇپ 120 دىن ئارتۇق كىشىنى نەق مەيداندا قاتنىشىشقا جەلپ قىلدى، ئۆزئارا پىكىر ئالماشتۇرۇش ھالقىسىنىڭ كەيپىياتى جانلىق بولدى، تاماشىبىنلار بەس - بەستە سوئال سورىدى، مۇتەخەسسىسلەر بىر - بىرلەپ جاۋاب بەردى.
نەق مەيداندىكى ۋەكىللەر بەس - بەستە مۇنۇلارنى بىلدۈردى:بۇ قېتىمقى تەشۋىقات سىياسىتى تولۇق سۆزلىنىپ، مۇلازىمەت ئەمەلىي ئىشلىنىپ، تىجارەت سۇبيېكتلىرىنىڭ ئەمەلىيەت داۋامىدا يولۇققان تاۋار ماركىسى مەسىلىسىنى ھەل قىلىشىغا ئۈنۈملۈك ياردەم بېرىلدى. جۇڭگو بىلىم مۈلۈك ھوقۇقى گېزىتىنىڭ ئۈندىدار سىن نومۇرى ۋە كۈيشوۋ بىۋاسىتە ئاڭلىتىش ئۆيىدە لېكسىيەنىڭ ئەمەلىي ئەھۋالى بىۋاسىتە كۆرسىتىلدى، شۇ كۈنى ئومۇمىي كۆرۈش مىقدارى 120 مىڭ ئادەم قېتىمغا يەتتى، شۇنىڭ بىلەن بىر ۋاقىتتا توردا ئەڭ كۆپ ئادەم سانى 10 مىڭدىن ئاشتى. تاۋار ماركىسى ئىدارىسى 9 - ئايدا خۇبېي ئۆلكىسىگە بېرىپ بۇ يىللىق ئەڭ ئاخىرقى بېكەتتە لېكسىيە سۆزلەپ، جەمئىيەتتىكى ئامما كۆڭۈل بۆلۈۋاتقان تاۋار ماركىسى خىزمىتىدىكى قىزىق نۇقتا ۋە كەسپىي مەسىلىلەرگە داۋاملىق جاۋاب بېرىپ، يەرلىك كەسىپ ئىقتىسادىنىڭ يۇقىرى سۈپەتلىك تەرەققىياتىغا بىلىم مۈلۈك ھوقۇقى يېڭى ھەرىكەتلەندۈرگۈچ كۈچ قوشىدۇ.
ھەمبەھىرلەش
